કોચ્ચી નેવલ બેઝ પર એરક્રાફ્ટનું હેંગર પડતાં બે જવાનોના મોત

કેરળના કોચ્ચી સ્થિત નેવલ બેઝમાં એક દુર્ઘટનામાં સેનાના બે સૈનિકોના મોત નિપજ્યા છે. આ દુર્ઘટનામાં બેથી ત્રણ નૌસૈનિકો ઈજાગ્રસ્ત થયા છે. સૂત્રો દ્વારા જાણવા મળ્યું છે કે, સેનાના હેલિકોપ્ટરના હેંગરનો દરવાજો તૂટી પડવાથી આ દુર્ઘટના ઘટી છે. આ ઘટનામાં કોર્ટ ઑફ ઈન્ક્વાયરીનો આદેશ આપવામાં આવ્યો છે. 

 

પ્રાપ્ત વિગતો મુજબ, બેઝ પર સેનાના હેલિકોપ્ટરના હેંગરનો દરવાજો તૂટી પડતા આ દુર્ઘટના ઘટી છે. દરવાજો તેમના પર પડતા બંને સૈનિકોના ઘટનાસ્થળે જ મોત નિપજ્યા હતા. જ્યારે આ દુર્ઘટનામાં ત્રણ અન્ય જવાનો પણ ઈજાગ્રસ્ત થયા હતા. જો કે, હજી સુધી સૈનિકોના પરિવારજનોને તેમના મૃત્યુ અને ઈજા અંગે કોઈ જાણ કરવામાં આવી નથી.