રાહુલે મોદીને સવાલ પૂછવામાં કર્યા ગોટાળા, ટ્રોલ થયાં તો કહ્યું- આવું જાણી જોઈને કર્યું

• રાફેલ ડીલ મામલે કોંગ્રેસ અધ્યક્ષ રાહુલ ગાંધીએ બુધવારે ટ્વિટ કરીને વડાપ્રધાનને ચાર સવાલ પૂછ્યા હતા. જોકે તેમાં રાહુલે ચોથો સવાલ નહતો પૂછ્યો. આ સવાલ તેણે કલાકો પછી પોસ્ટ કર્યો હતો. આ કારણથી તે સોશિયલ મીડિયા પર ખૂબ ટ્રોલ થયા હતા. ત્યારપછી તેમણે ટ્વિટ કર્યું હતું કે, તેમણે જાણી જોઈને આવું કર્યું છે. આ પહેલાં બુધવારે સંસદમાં રાફેલ મુદ્દે ચર્ચા દરમિયાન રાહુલ ગાંધીએ મોદી સરકાર પર આકરા પ્રહાર કર્યા હતા.
  રાહુલે બુધવારે રાતે 8.51 મિનિટે ટ્વિટમાં લખ્યું- કાલે સંસદમાં રાફેલ ડીલ પર પીએમ મોદીની ઓપન બુક એક્ઝામ છે. એક્ઝામના સવાલ અહીં પહેલેથી જ આપવામાં આવી રહ્યા છે.
  પહેલો સવાલ- એરફોર્સને 126 એરક્રાફ્ટની જરૂર હતી તો પછી 36 એરક્રાફ્ટ જ કેમ?
  બીજો સવાલ- એક વિમાનની કિંમત રૂ. 560 કરોડ હતી તે હવે રૂ. 1600 કરોડ કેમ?
  ચોથો સવાલ (ત્રીજો સવાલ પૂછ્યો જ નહીં) - એચએએલની જગ્યાએ એએ (અનિલ અંબાણી)ની કેમ પસંદગી કરી?

  

  Rahul Gandhi

  ✔@RahulGandhi

  Tomorrow, the PM faces an Open Book #RafaleDeal Exam in Parliament.
  
  Here are the exam questions in advance:
  
  Q1. Why 36 aircraft, instead of the 126 the IAF needed?
  
  Q2. Why 1,600 Cr instead of 560 Cr per aircraft.
  
  Q4. Why AA instead of HAL?
  
  Will he show up? Or send a proxy?

  30.8K

  8:51 PM - Jan 2, 2019

  Twitter Ads info and privacy

  21.5K people are talking about this

  Twitter Ads info and privacy
  ત્રીજો સવાલ ન લખ્યો હોવાથી રાહુલ ગાંધી ખૂબ ટ્રોલ થયા. તે પછી રાહુલે રાતે અંદાજે 11.13 વાગે એક ટ્વિટ કરીને કહ્યું કે, તેમણે જાણી જોઈને આવું કર્યું છે. પરંતુ હવે લોકોની માંગણીથી તેઓ ત્રીજો સવાલ પૂછી રહ્યા છે. આ સવાલમાં રાહુલ ગાંધીએ પૂછ્યું કે, મોદીજી પ્લીઝ જણાવો કે, પર્રિકરજીએ રાફેલની ફાઈલ તેમના બેડરૂમમાં કેમ રાખી છે? ત્યારપછી તેમણે કટાક્ષ કરતાં કહ્યું પણ ખરું કે, આ સવાલોના જવાબ મોદીજી જાતે આપશે કે તેમના કોઈ પ્રોક્સીને મોકલશે?