ચંદ્ર પર ઉતર્યું ચીનનું સ્પેસક્રાફ્ટ, આ મહિને ઈસરો પણ કરી શકે છે ચંદ્રયાન-2નું લોન્ચિંગ

ચીને ગુરુવારે ચંદ્રના પાછળના ભાગમાં (જે ધરતી પરથી દેખાતો નથી) ત્યાં તેમનું સ્પેસક્રાફ્ટ ચાંગી-4 ઉતારવામાં આવ્યું છે. ચંદ્રના આ ભાગ પર કોઈએ પહેલીવાર સ્પેસક્રાફ્ટ લોન્ચ કર્યું છે. અત્યાર સુધી અમેરિકા, રશિયા અને ચીન જ ચંદ્ર પર સ્પેસક્રાફ્ટ ઉતારી શક્યા છે. ઈસરોનું ચંદ્રયાન-1 હજી ચંદ્ર પર ઉતારવામાં આવ્યું નથી. તે ચંદ્રના પરિભ્રમણ માટે મોકલવામાં આવ્યું છે. ઈસરો આ મહિનાના અંતમાં તેમનું બીજુ મૂન મિશન- ચંદ્રયાન-2નું લોન્ચિંગ કરે તેવી શક્યતા છે.

આ સફળતા વિશે ચીન સ્પેસ મેનેજમેન્ટે સાથે કામ કરનાર મકાઉ યુનિવર્સિટીના પ્રોફેસર ઝો મેંગુઆએ કહ્યું- આ સ્પેસ મિશને જણાવી દીધું કે, ચીન રિમોર્ટ સ્પેસની તપાસમાં ખૂબ આગળ નીકળી ગયું છે

ચીન હવે 2022 સુધીમાં તેમના ત્રીજા અંતરિક્ષ કેન્દ્રને શરૂ કરવામાટે કામ કરી રહ્યું છે. ચીન આ દશકાના અંત સુધીમાં ચંદ્ર પર અંતરિક્ષમાં યાત્રીઓને મોકલવા પણ માંગે છે. તે સિવાય એક મિશન દ્વારા મંગળની ધરતી પરથી માટી લાવવાનું પણ પ્લાનિંગ કરવામાં આવી રહ્યું છે.